Berriak

UNESCOREN “ESKOLA BIDEAK” ERAKUSKETA AIETE KULTUR ETXEAN

10 fotokazetarik mundu osoko ikasleek eskolara iristeko eta hezkuntzarako sarbidea izateko aurre egin behar dieten erronkak erakusten dituzte. Ikastetxeentzako bisita gidatuak eskaintzen dira.

Egunero, munduko milioika haur eta gaztek mendiak, basamortuak, ibaiak, ur izoztuak, gatazka armatuko eremuak edo auzo arriskutsuak zeharkatzen dituzte eskolara iristeko, hezkuntzaren bidez bizi modu hobea lortuko duten uste sendoarekin.

eskolabideak

Eskola bideak” erakusketak, India, Thailandia, Kenya edo Estatu Batuetako ikasleen gainditze historiak islatzen ditu, zeinentzat eskolarako bidea odisea bat den, baina baita beraien bizi proiektuak garatzeko aukera bat ere. UNESCOk Sipa Press agentzia entzutetsuari egindako mandatuaren emaitza da. Pobrezia, bereizkeria, desgaitasunak, gerra edo hondamendi naturalak dira hezkuntzarako bidean dituzten oztopoetako batzuk.

Lehendakaritza, Gardentasuna, Giza Baliabideak eta Berrikuntzako zinegotzi delegatuak, Juan Ramón Vilesek eta Mugikortasuneko eta Garraioko zinegotzi ordezkariak, Pilar Aranak gaur aurkeztu dute Aiete Kultur Etxean ekainaren 10 arte egongo den erakusketa hau. Bi udal sailen eta Donostia Kulturaren arteko elkarlanetik ateratako erakusketa hau Donostiako 16. Giza Eskubideen Zinemaldiaren ekintzen barnean kokaturik dago, eta lehen aldia da Euskadin ikusgai dagoela, New York, Paris edo Madrildik pasatu ostean.

Juan Ramón Vilesek erakusketaren balioa azpimarratu du “izan ere, haur hauekin bidaiatzera gonbidatzen gaitu eta eskolara bidean dituzten periploak ezagutzera, hezkuntzaren garrantziaz eta gaur egun oraindik eskubide honetaz gozatzea galarazten duten zirkunstantzien inguruan hausnarketa egiteko”.

Honela, Giza Eskubideetako zinegotziak gogorarazi du Garapen Jasangarriko Helburuen barnean xedeetako bat, 4. zenbakian jasotzen dena, “hezkuntza inklusiboa, bidezkoa eta kalitatezkoa ziurtatzea, eta pertsona orok bizitza osoan zehar ikasketa aukerak izatea sustatzea. Irudi hauek,gehitu du- erakusten digute gaztetxo hauek muga geografiko, sozial, ekonomiko eta generoarenak gainditzeko gai direla ikastera joateko, badakitelako, zailtasun hauei guztiei aurre egin behar izan arren, autonomia eta askatasunez bizitzeko izan dezaketen tresnarik hoberena dela” .

NBE-k jasotako datuen arabera, azken bosturtekoetan eskolatze tasetan gehikuntza nabarmena dagoen arren, emakume eta neskena gehien bat, oraindik 263 milioi adin txikiko daude eskolatzeke. Sahara hegoaldeko Afrika eta Hegoaldeko Asiako eremuetan erregistratu dute biztanleriaren %70 ez dela eskolatu lehen eta bigarren hezkuntzan.

Bere aldetik, Pilar Aranak historia hauetako protagonisten ausardia eta irmotasuna goraipatu ditu, eta azpimarratzen dueskolara iristea oraindik nekezagoa izan ez dadin bide seguruak egotea oso garrantzitsua da, hezkuntzaren eskubide unibertsala milioika pertsonei murrizten zaie, eta hau larriagotu egiten da jasotzeko bidean bizia jokoan jarri behar baduzu”.

Honela, Aranak gogorarazi du Donostiak Eskola Bidea programatik “neska mutilak eskolara oinez, autonomiaz, ibilbide seguru batetik, estresik gabe eta pertsona helduen laguntza gabe joan daitezen sustatzen saiatzen gara. Baina lortzeko, inguru adeitsu bat sortu behar dugu, non trafikoa bezalako arrisku posible guztiak gutxiagotuak egon behar duten”.

Eta, Ikasle donostiarrek ere eskolara iristeko dituzten zailtasunak eta azken urteetan egin diren aurrerapenak ikusarazteko, erakusketa 35 eskolak eta 200,000 ikaslek azken 15 urtetan parte harturiko udal ekimen honetako argazkiekin osatzen da.

Bisita gidatu didaktikoak antolatuko dira LH. 3. mailatik DBHko 2. maila bitarteko ikasleentzat, eskolarabideak@gmail.com en eskaera eginda. Bisita hauen helburua eskola-umeak beste batzuk ingurune kaltegarri batean jaiotzeagatik edo emakume jaiotze hutsagatik, edo gutxieneko etnia bateko kide izateagatik edo ezintasun bat izateagatik dituzten ezberdintasun eta oztopoen kontziente bihurtzea da. Baina baita antzekotasunak azaleratzea ere: bizitza egoki bat edukitzeko ikasteko behar eta irrika.

Halaber, apirilaren 26an, 19:00etan Aiete Kultur Etxean Pascal Plisson-en Sur le chemin de l`ecole (2013, Frantzia) filma proiektatuko da, gaztelaniazko azpitituluekin

Datuak:Eskola Bideak” erakusketa Aiete Kultur Etxean, apirilaren 11tik ekainaren 10era.

Ikastetxeentzako bisita gidatuak: eskolarabideak@gmail.com.

Apirilaren 26an, 19:00etan Aiete Kultur Etxean Pascal Plisson-en Sur le chemin de l`ecole (2013, Frantzia) JB. gaztelaniazko azpitituluekin

Antolatzaileak: UNESCO, Sipa Press, Timkat, Donostiako Udaleko Giza Eskubideen eta Mugikortasun saila eta Donostia Kultura.

 

 

 

Donostiak gazteak hezten ditu bizikletan begirunez eta segurtasunez ibil daitezen.

Donostia esperientzia pilotu bat egiten ari da Easo Politeknikoko 25 gazte errepidean segurtasunez ibil daitezen irakasteko. Datorren ikasturtean beste zentro batzuetara hedatuko da.

http://www.eitb.eus/es/noticias/videos/detalle/5420129/videodonostia-forma-jovenes-circulen-bici-respeto-seguridad/

Ikasleen arteko lankidetza, bizikletaren oinarrizko mekanikari buruzko lantegi bat egiteko

Aste honetan, hirugarren urtez jarraian, bizikleta bidezko mugikortasunaren inguruko ekimen kooperatibo bat jarri dugu abian bi hezkuntza mailaren artean.
Easo Politeknikoko Natur Ingurunean Gorputz eta Kirol Ekintzen Gidaketa zikloko ikasleek bizikletaren oinarrizko mekanikari buruzko lantegi bat egin dute Maria Reina Ikastetxeko LHko 5. Eta 6. mailako ikasleentzat.

Prestakuntza ekintza bi ikastetxe horietako kirol instalazioetan egin da, eta, parte hartzaileen iritziak aintzat hartuta, arrakasta handia izan du.

Jarduera hori esperientzia pilotu bat da, Mugikortasun Zuzendaritzako Eskola Bideak abian jarria, eta helburua ez da bakarrik bizikleta mantentzeko eta institutura joateko garraiobide gisa prest uzteko jakin beharrekoak erakustea, baizik eta, horrez gain, hezkuntza maila batekoen eta bestekoen arteko elkarrekintza ere lortu nahi du, bizikletarekin eskolara joateko errealitate bat izateko.

Formatu hori pixkanaka ari gara jartzen hala eskatzen duten hiriko ikastetxeen eskura.

Ekintza horri buruzko informazio gehiago:
Eskolabidea@donostia.eus

 

MariaReina23

 

MariaReina (21)

 

MariaReina (5)

 

 

“Oinez eskolara” Intxaurrondo Ikastola

Aurten berriro Intxaurrondo Ikastolako lagunak, OINEZ ESKOLARA ospatu dute, OINBUSA BERRI BATEKIN eta esperientxia urte bat berriro ere, Festa oso bat izan da !!!!

Hementxe argazki guztiak:

a

Eskola bidearen gaineko IX. topaketa

“Eskola mugikortasuna eta kolektiborik ahulenak Donostian” jardunaldia. 2017ko azaroaren 6a. Unibertsitateko liburutegia. Carlos Santamaría eraikina.

Egitaraua

Argazki erakusketa Intxaurrondo Hegoa

Kurtso hasiera batera, Intxaurrondo Hegoa Ikastola eta beraien Guraso Elkarte, Argazki Erakusketa interesgarria antolatu du auzoko Kultur etxean. Umeak dira protagonista eta beraien Eskolarako BIdea.

Anima zaitez eta zatoz ikusteko!!

 

Cartel Expo-001

 

 

Ttipi-Ttapa 2017

Hilaren 20an eta 21an, Oleta, Intxaurrondo eta Arantzazuko Ama ikastoletako neska-mutilek Ttipi-Ttapa jardueraz gozatzeko aukera izan dute. Mugikortasunarekin loturiko autonomia lantzen da jarduera horren bidez, eta, aurten, ginkana bat antolatu dugu Easo plaza inguruan; ikasleek, zirkuituan zehar, oinezkoentzako hainbat eremu ezagutu ahal izan dituzte, eta horietako bakoitzean mugikortasun sostengagarriarekin loturiko proba bat gainditu behar izan dute.
en la despedida
hacia la prueba de Euskotren
buscando las pistas
Equipo monitores

Bizikletada 2017

Bosgarren urtez jarraian, Autorik gabeko Eguna ospatzeko, bizikleta martxa bat antolatu dugu hiriko institutuekin. Ikastetxe hauek hartu dute parte: La Anunciata, Easo Politeknikoa, Jesus Bihotza Mundaiz ikastetxea, Maria Reina, Ikastetxe Alemaniarra, La Salle, La Presentacion de Maria, San Patricio ikastetxea, Usandizaga-Peñaflorida institutua. Guztitra, 700dik gora ikasle bildu dira.

Martxa hiriaren erdialdetik igaro da, eta Antigua, Amara eta Erdialdea zeharkatu ditu, jai giroan. Aurtengo martxaren helburua izan da bizikleta erabiltzen hasi gineneko 200. urteurrena ikusgai egitea, Kalapie txirrindularien elkartearekin elkarlanean. Martxaren oroigarri gisa, xira bana eman zien parte hartzaileei elkarteak.
cabeza de marcha
leloa
en formacion2
autoridades
por el bulevard
Easoko laguntzaileak (1)

2017.06.19an, Morlansko tuneleko bidegorria itxiko da

Ekainaren 19an ekingo zaie Morlans ibilbidearen (tunelera sartzeko ahoaren ondoan) eta Izostegi pasealekuaren artean (Lazkano biribilgunea) sarbide mekanikoak (igogailu inklinatua) jartzeko obrei. Igogailuak 38,5 metroko altuera gaindituko du, 127 metroko luzeran.

Lanen Segurtasun Planak agintzen duenez, ezinbestekoa da Morlansen eta Lugaritzen artean bidegorria ixtea.

Ondo bidez, lanek bederatzi hilabete iraungo dute.

Morlans

Barkatu eragozpenak.

 

 

 

Eskola Bidea Udaberrian. Aiete eta Mugikortasun jasangarria

Eskola Bidea Udaberrian proiektuaren barruan, Aieteko ikastetxeak mugikortasuna modu holistikoan lantzen ari dira, eta, hori dela eta, Aieteko parkean, familiako ginkana bat antolatu genuen. Ehundik gora pertsona ibili ziren jolasten eta gozatzen, eta mugikortasun sostengagarrirako erak elkarrekin aztertzen. Izan ere, hainbat ikastetxetako familiak elkarrekin jolasten aritu ziren!

Aiete1 Aiete2



Donostiako Udala: donostia.eus