Berriak

2017.06.19an, Morlansko tuneleko bidegorria itxiko da

Ekainaren 19an ekingo zaie Morlans ibilbidearen (tunelera sartzeko ahoaren ondoan) eta Izostegi pasealekuaren artean (Lazkano biribilgunea) sarbide mekanikoak (igogailu inklinatua) jartzeko obrei. Igogailuak 38,5 metroko altuera gaindituko du, 127 metroko luzeran.

Lanen Segurtasun Planak agintzen duenez, ezinbestekoa da Morlansen eta Lugaritzen artean bidegorria ixtea.

Ondo bidez, lanek bederatzi hilabete iraungo dute.

Morlans

Barkatu eragozpenak.

 

 

 

Eskola Bidea Udaberrian. Aiete eta Mugikortasun jasangarria

Eskola Bidea Udaberrian proiektuaren barruan, Aieteko ikastetxeak mugikortasuna modu holistikoan lantzen ari dira, eta, hori dela eta, Aieteko parkean, familiako ginkana bat antolatu genuen. Ehundik gora pertsona ibili ziren jolasten eta gozatzen, eta mugikortasun sostengagarrirako erak elkarrekin aztertzen. Izan ere, hainbat ikastetxetako familiak elkarrekin jolasten aritu ziren!

Aiete1 Aiete2

Elkarrekin mugikortasun seguru eta lagunkoia baten alde

“Zerk arduratzen gaitu hirian zehar mugitzen garenean?”

 

 

Udaletxeko Mugikortasun Zuzendaritzak gidatu du “Zerk arduratzen gaitu hirian zehar mugitzen garenean?” lelopean, gaur goizean izan den tailerra. Bertan, Donostiako mugikortasunaren egoeraz eta honek adineko pertsonei planteatzen dituen erronketaz aritu dira.
0
Lau taldetan banatuta, parte-hartzaile eta Udaletxeko profesionalek, mugikortasun segurua lortzeko giltzarriak aztertu dituzte. Gaia ikuspuntu desberdinetatik aztertu da; gidari, oinezko, bizikleta eta garraio publikoaren ikuspuntutik, hain zuzen ere. Gaurko jardunaldiko ondorioak, Donostia Lagunkoia Hiri-planaren baitan kokatzen den bide-segurtasunaren inguruko kanpaina baten diseinurako lagungarriak izango dira.

Kultura sortu eta Slow bizi

Sinetsita “jarrera pertsonalak berebiziko garrantzia duela”, parte-hartzaileek hezkuntza eta enpatia oinarri duten kultura sortzeko apustua egin dute, mugikortasun seguru eta lasaiagoa lortze aldera.

Honen harira, “slow bizitzeko” beharra ere azpimarratu nahi izan dute, edo behintzat, biztanleriaren gehiengoak daraman bizitza-erritmo azkarra gutxiagotzeko beharra. Izan ere, jardunaldian azaldu den bezala, “daramagun abiadurak, sarritan, talkak eta bestelako istripuak eragiten ditu”. Zentzu horretan, gizarteari orokorrean zuzendutako kanpainak sortzeko beharra nabarmendu dute, “ez soilik adindunei” zuzentzen direnak.
1
Oinezkoek merezi duten errespetua izan da gidarien ikuspuntua aztertu duen taldearen eztabaida-puntu garrantzitsuenetakoa. Honela, oinezkoen “ikusezintasuna” nabarmendu dute, gaizki aparkatutako kotxeak eta bestelako oztopoen erruz.

“Guztion etxea”

Hiriko bizikleta-kultura oraindik berri samarra dela esaterakoan ados agertu dira parte-hartzaileak. Ondorioz, beharrezkoa ikusten dute esparru horretarako bide-hezkuntza zehatza. Eskola adinean dauden neska-mutilei zuzendutako sentsibilizazioa ezinbestekoa dela ikusten dute, eta baita ere, publiko guztiari zuzendutako bizikleta praktikak. “Hobe daitekeen” bidegorrien egoera eta seinaleztapen egoki baten beharra ere izan dira mintzagai.

Horrez gain, skate eta patineteen inguruko arautegi falta azpimarratu nahi izan dute eta “smartphone-n zonbiak” oinezko, bizikleta eta kotxeentzat arrisku bat direla adierazi dute “euren telefonotan erabat murgilduta baitaude eta ez dute aurrean dutena antzematen”.

Azkenik, oro har, hiriko garraio publikoaren kalitatea balioan jarri nahi izan da eta, aldi berean, autobus geltoki asko dituzten zenbait kaletan, San Martin kalea kasu, espaloiak estuegiak direla nabarmendu dute eta honek zailtasunak eta istripuak sor ditzakeela azpimarratu dute.

Garraio publikoko gidarien paperaren garrantziaz ere aritu dira gaurkoan, eta hauen zerbitzuen denbora berrikusteko beharra ere agertu dute; presioa gutxiagotu, segurtasuna handitu, eta azken batean, istripuak murrizteko.

Jose Ramon Lasarte, Kai Alde zaharren egoitzako presidentea, izan da gaurko parte-hartzaileetako bat eta positiboki baloratu du gaurko lana:” Galdera asko jarri dira mahai gainean, eta baita zenbait erantzun ere. Udalera gure iritzi eta kezkak helarazteko kanalak sortzea oso positiboa dela uste dut”.

Nagusilaneko Marijose Velasco ere pozik agertu da gaurko esperientziarekin eta ekimen hauen “garrantzia” azpimarratu nahi izan du “errealitatean oinarritutako planak ezarri ahal izateko”. Bere aburuz, “kalea guztion etxea da, eta zaindu behar dugu”.

Ikasleen arteko lankidetza, bizikletaren oinarrizko mekanikari buruzko lantegi bat egiteko

Aste honetan, bigarren urtez jarraian, bizikleta bidezko mugikortasunaren inguruko ekimen kooperatibo bat jarri dugu abian bi hezkuntza mailaren artean.

Easo Politeknikoko Natur Ingurunean Gorputz eta Kirol Ekintzen Gidaketa zikloko ikasleek bizikletaren oinarrizko mekanikari buruzko lantegi bat egin dute Zurriola ikastolako DBHko 1. mailako eta La Anunciata ikastetxeko DBHko 3. mailako ikasleentzat.

Prestakuntza ekintza bi ikastetxe horietako kirol instalazioetan egin da, eta, parte hartzaileen iritziak aintzat hartuta, arrakasta handia izan du.

Jarduera hori esperientzia pilotu bat da, Mugikortasun Zuzendaritzako Eskola Bideak abian jarria, eta helburua ez da bakarrik bizikleta mantentzeko eta institutura joateko garraiobide gisa prest uzteko jakin beharrekoak erakustea, baizik eta, horrez gain, hezkuntza maila batekoen eta bestekoen arteko elkarrekintza ere lortu nahi du.

Formatu hori pixkanaka ari gara jartzen hala eskatzen duten hiriko ikastetxeen eskura.

DSC_0025 DSC_0029

Ekintza horri buruzko informazio gehiago:

Eskolabidea@donostia.eus

Link: Noticias de Gipuzkoa

MUGIKORTASUN ERABILEREN KONPLEXUTASUNA. ERDIALDE-LAGUNKOIA

Aurreko asteartean, martxoak 7, Erdialde elkarteak tailer batean hartu zuen parte, Mugikortasun eta Partaidetza zuzendaritzekin batera, Lagunkoia proiektuaren barruan. Tailerrean honako gai hauek landu ziren: mugikortasun erabileren konplexutasuna, eta oinezkoentzat, bereziki adinekoentzat, zailtasunak dituzten lekuak. Tailer hori bide segurtasunari buruzko sentsibilizazio kanpaina baten barruan zegoen eta bertan adineko pertsonak izan ziren aldi berean aholkulariak eta aholku hartzaileak.

Informazio gehiagorako: Erdialde Elkartea (facebook-en)

En Erdialde2 Con Erdialde_Paseo Colon

Oinez eskolara. Intxaurrondo Ikastola

Urte bat gehiago Donostiako Eskola Bidea esperientziak martxan jartzen dira. Besteak beste, Intxaurrondo ikastolak, bostgarren urtea betetzen du.

 

dsc03161a

 

img_20161025_085505

 

img_20161025_085720

 

img_20161025_085651

EUROPAKO MUGIKORTASUN ASTEA

EUROPAKO MUGIKORTASUN ASTEA IRISTEAR DAGO. BEGIRA ZENBAT GAUZA DAUZKAGUN ANTOLATUTA!

egitaraua-1

egitaraua-2

ESKOLA BIDEA UDABERRIAN

Intxaurrondo Ikastolako 5.mailako mutil eta neskek mugikortasun iraunkorra landu dute, eskola bidea ardatz bezala hartuz.

Klikatu hemen bideoa ikusteko.

 

 

 

 




Donostiako Udala: donostia.eus